Pamilya ni Franco Hernandez, walang balak magsampa ng kaso

Binanggit ng pamilya ni Franco Hernandez na nakipagkita na sila sa pamilya ni Tom Doromal tungkol sa nangyaring insidente noong November 11.

“Nag-meet kami with Tom's family. Yung relatives niya, mga tita… Para to hear yung side siguro namin at yung side din nila,” banggit ni Raul Lumanlan.

"They all agreed, wala namang nag-comment na mali yung inistorya ni Nam. Actually, there were revelations din na hindi namin alam. Na good enough naman, and I salute Tom and his family for telling the truth din about the life vests.”

“Yung sa life vest, sinabihan pala si Tom nung relatives niya dun sa resort na may life vest, na siguro either gamitin or dalhin niyo. Yun ang kuwento ni Tom. Si Tom naman, hindi nasabi sa group na may life vest. Ang sabi ni Tom during the meeting, it slipped [his mind].”

Sa interview, binanggit nilang nagkaroon ng head injuries ang kanilang anak, pero hindi na nila pina-autopsy ang bangkay.

“Autopsy, tapos bubuksan mo pa, aanuhin yung to the detail. Kawawa naman yung tao.”

Hindi naman raw magsasampa ng kaso ang pamilya ni Franco.

“Basta ang purpose kasi namin, we want to stick to our objective. Ang objective lang naman is to tell what really happened. Now, kung anuman ang imbestigasyon o anuman ang etcetera, ayaw na namin dumating sa punto na ‘yon.

“Si Franco, kilala naman ‘yan. Ayaw niya ng kumplikasyon. Ayaw niya ng magulo. Gusto niya, kung ano yung nangyari, ‘yan na ‘yan. Basta ipaalam mo lang kung ano yung totoong nangyari. Kung anuman ang pwedeng mangyari after, hindi na namin i-initiate yun or what.”

Interview excerpts courtesy of PEP.ph