Janica Nam Floresca, nilinaw ang nangyari bago mamatay si Franco

Nagbigay si Janica ng statement sa PEP.ph upang bigyang-linaw ang totoong nangyari sa pagkamatay ni Hashtag Franco sa Davao Occidental noong November 11.

Dahil taped ang Showtime noong panahon iyon, napagdesisyunan ni Franco na sumama kay Tom na magbakasyon mula November 9 hanggang 13.

Kasama nina Janica at Franco noon si Tom at girlfriend at pinsan nito. Ayon sa kanya, wala raw life vest sa bangka, at matagal bago sila niespondahan, salungat sa naunang statement ng mga bangkero.

Binanggit raw nina Janica at Franco na pareho silang hindi lumangoy, pero wala raw life vest na ibinigay sa kanila.

“Yung sa Rated K, yung sinabi [ni Tom] na ni-rush daw sa ospital, yun ang gusto ko i-correct. Kasi hindi naman talaga ni-rush. And ako lang yung nag-rush. Ako lang yung sumama. Sumunod lang sila.

“Tapos, dun sa mga bangkero na—hindi ko alam kung bakit nila nasabi yun, na meron daw life vest. Ayaw daw namin suotin. Sila yung nagpatalon sa amin. Wala silang life vest.

“Tsaka hindi kami dapat aalis dun hangga’t hindi namin sinusuot yung life vest, di ba? Dapat ganun. Or kahit meron man lang sa banca na life vest na iniwan. As in, wala talaga.”

Basahin ang kwento ni Janica sa PEP.ph.