Alden Richards, pinalitan ni Ruru Madrid sa “Sherlock”

Bibida si Ruru Madrid sa teleseryeng “Sherlock” sa GMA Telebabad ngayong 2018.

Makakasama ni Ruru ang kanyang loveteam partner na si Gabbi Garcia. Huling nagkasama ang dalawa sa Encantadia. Bibida rin sa teleserye sina Matt Evans, Andre Paras, Janine Gutierrez, Tonton Gutierrez, Alyana Asistio, Sofia Pablo, Kate Valdez, Roi Vinzon at Sharmaine Arnaiz.

Matatandaang si Alden Richards dapat ang magiging artista sa programa, pero binigay ito kay Ruru.

“Sobrang thankful ako dahil para i-offer kay Alden yung show, ibig sabihin malaking project ‘yun. Panibagong yugto sa karera ko ‘to kaya nakak-excite,” pahayag ni Ruru.

Wala naman kaso para kay Alden ang nangyari.

“Na-offer talaga siya sa akin pero i don’t know what happened. Parang there’s been a change in story,” sabi ni Alden.

“Okay lang naman po sa akin ‘yun. Not really a big deal.”

“The potential of Ruru Madrid is really there. Si Ruru nakakasama ko siya sa ‘Sunday Pinasaya.’”

“He has the potential as an actor. Talagang pinaghihirapan niya lahat ng roles na binibigay sa kanya. He deserves to have a lead in soap opera in primetime.”

Interview excerpts courtesy of PEP.ph